Despues di un par di aña di ausencia, debi n’e pandemia di Coronavirus y tambe despues di a pasa den un proceso di restructuracion di e evento, Arubadag t’ey bek e aña aki.
Presente n’e ocasion aki tabata presente, mr. Xiomara Maduro, den su calidad di Minister di Cultura cu a indica cu Ministerio di Cultura a percura pa e parti Cultural. Arubahuis hunto cu Ministerio di Cultura y Algemene zaken a traha hunto pa asina e pueblo di Aruba, establece na Hulanda, por bin hunto. Esey ta precisamente e motibo pa cual ta organisa e evento di Arubadag, aña ‘den, aña ‘fo, desde 1982.
Pero e ta tambe pa trece tur esunnan cu tin Aruba den mente y curason, conta nan di e desaroyo pa e temp’ey, por a logra e Status Aparte. Actualmente Arubadag ta pa tur bin hunto, pa por crea e forsa di coherencia, pa ora tur Rubiano ta hunto, por comparti y keda contacto cu nos pais.
Arubadag ta bek despues di casi cinco aña y e animo ta halto. E hendenan presente tabata hopi contento di por ta bek hunto y como mandatario, e tabata hopi contento di por transmiti e calor di Aruba.
