Un rato pasa na Brazil a sosode un accidente basta pisa entre dos auto. Den e accidente aki tin persona cu a resulta herida. E accidente tabata entre un Hyundai blanco number A-45088 y Toyota Altezza color biña scur number A-71858
Un total di cuater persona a resulta herida, di cual un di nan ta mucha, den e accidente pisa aki. Diferente unidad policial a presenta n’e sitio pa asina tuma dato di e accidente pisa aki.
Daño material riba ambos auto tabata hopi. E Toyota Altezza a ricibi hopi daño material, cual a bay dal den muraya di un cas. Polis a detene un persona n’e sitio, mirando cu e tabata bou di influencia di alcohol.
Tres unidad di ambulance y rapid responder a presenta n’e sitio pa asina atende cu e personanan herida. E paramediconan n’e sitio tabata atende cu e mucha, kende tabata keha di hopi dolor. Na momento cu a stabilisa tur e personanan herida, a transporta nan pa hospital.
