Bureau Integriteit Aruba (BIA) a lanta bou di e ultimo gobierno y actualmente ta resorta bou di Ministerio di Integridad.
Den e siman cu a caba di cuminsa, tin varios informacion cu lo sali pa loke ta BIA. E mandatario di Integridad, Ursell Arends, a bisa cu ora cu el a asumi e responsabilidad como Minister di Integridad, e departamento tabata consisti di dos empleado y actualmente tin cuater. Es decir cu pocopoco nan ta bay ta yenando e vacaturanan disponibel.
E departamento aki ta trahando riba varios proyecto y den e lunanan di september, october y november, nan lo ofrece varios actividad, training y curso cu nan lo duna tanto na e aparato publico, pero pa loke ta BIA tin hopi proyecto andando. Esun di mas importante ta e concepto di ley cu lo mester haya aprobacion den parlamento.
Pa loke ta e Ministerio di Integridad, nan ta trahando no solamente cu BIA cu tin e responsabilidad pa atende cu e integridad den e aparato publico pero tambe cu Corporate Governance den su totalidad.
