Tur hende a aprecia e man cu Minister Lampe a saca pa Marc Oduber. Manera ta conoci dos trahador y un sindicalista yega na MEP a logra pa covence e minister Chris Romero y su consehero ex minister pa move Marc Oduber di METEO.
Dimes e ta keda cu su titulo y funcion. A puntra Rudy Lampe mesora si su actuacion of decision pa acomoda Rudy Lampe, lo causa problema cerca otro minister cu a tuma e decision di move Marc Oduber. E no lo trece un conflicto pa su coleganan den gobierno segun minister Rudy Lampe. Esey ta un bon ehempel con e cooperacion entre ministernan a yuda pa soluciona esaki, pasobra sr. Marc Oduber, ta un bon profesional. Riba su tereno e ta excelente. Ora cu el a haya problema di comunicacion na pia di trabao, e ora ey entre coleganan minister a bisa cu tin e oportunidad na Unesco Bureau pa e persona aki por sigui desaroya su talentonan, su experticio, e ora a ofrece e posibilidad ey y e ta funciona bon.
Esey no ta creando ningun conflicto. Al contrario. E cooperacion entre coleganan minister den esey a bay sin ningun problema segun e mandatario.
