Leerplicht ta un ley cu si no tin sancion, e ora ey e ta un ley morto segun minister Rudy Lampe. E parti ey awor aki ta studiando en berdad pa bin cu cierto mecanismo unda tin sancion.
Pasobra sino e ora ey bo ta haya cu ningun hende ta mantene su mes na e ley y tur mucha tin e obligacion te cu 16 aña, e derecho pa haya enseñansa. Pesey banda di leerplicht tin leerrecht. E mucha tin derecho di haya enseñansa y nos tin cu percura pa e ricibi enseñansa. Y mayornan tin e obligacion pa nan percura pa nan yiunan haya enseñansa. Y si no tin sancion, en berdad dado momento tin situacionnan cu bo no por haci nada. Ta studiando e posibilidad di un boet, aunke por bisa cu hopi di e famianan cu ta den un situacion asina aki, bo strafnan, bo ta bolbe strafnan atrobe, pasobra ya nan a wordo gestraf caba pa sociedad.
Por ehempel un tata cu a sali for di KIA, e ta busca trabao, ningun hende no kier dune, pasobra el a sali for di KIA. E ta bolbe cay den e circuito atrobe di criminalidad, pasobra e tin cu cria su famia. Awo ken a faya? Ta nos sociedad. Mester a dune un di dos oportunidad. Pero e no ta hay’e pasobra ningun hende no kier dun’e. Ta prefera di contata un Latino ilegal y no un Arubiano cu a sali for di KIA. E ora ey ya sociedad ta straf’e. Despues e ta bolbe haya un boet riba dje. Esey ta un dobel straf. Tin cu tuma na cuenta cada caso. Importante ta, pa henter e asunto aki di e leerplichtwet, pa en berdad concientisa un y tur, cu un mucha, tin derecho riba enseñansa y ta obligacion di e minister bay te abao, pa crea e condicionnan pa e mucha haya enseñansa.
