Durante rueda di prensa cu a tuma luga diahuebs mainta, den cuadro cu diferente adelanto riba e situacion di COVID-19 na Aruba, a bin e pregunta riba un situacion cu a tuma luga caminda cu a kita un persona (supuestamente un coordinado) for di e centro di prueba na aeropuerto, bao sospechoso di falsificacion y benta di documento y su legalisacion riba Aruba Health App.
Minister di Salud Publico y Turismo, Dangui Oduber a confirma cu si tin un investigacion andando. Sinembargo el a agrega cu tur hende cu ta traha den su ministerio, ta traha den su ministerio y no otro trabao na otro luga manera por ehempel den e caso aki aeropuerto y ta bao investigacion.
El a indica tambe cu e investigacion mester cana su caminda prome cu duna mas informacion di e caso specifico aki.
