Polis a presenta cu urgencia riba caminda grandi di Pos Chikito pa un accidente basta fuerte cu un persona herida. Na haltura di Rey Hing na Pos Chikito a bin topa cu dos vehiculo para meymey caminda y cu basta daño material.
Esaki a sosode den careda di 12:30 am riba Green Corridor.
Un Honda pickup a bay haci un maniobra riba caminda, a bay dal un U-turn, y no a percata di e KIA Rio biniendo di direccion pariba. E impacto tabata basta fuerte.
E chauffeur di e KIA a sinti su curpa mesora, afortunadamente tabatin su seatbelt bisti. Mirando cu e tabata keha di basta dolor, a opta pa pidi presencia di ambulance na sitio. Por a tuma nota tambe cu e vehiculonan a bay para na un distancia basta grandi for di otro.
A desvia trafico pa un rato pa asina por tuma tur dato relaciona cu e accidente y despues kita e vehiculonan for di caminda.
