El a corda tur hende awe cu ora el a kibra su vakantie pa bin atende reunion di Parlamento, cu su intencion tabata pa cuminsa e reunion y cab’e. Ta Parlamento a pidi pa suspende e reunion te cu proximo aviso cu no a yega mas. Ainda e tin mas detaye pa conta riba varios desaroyo pa cu maneho di tereno.
Den esakinan tin asunto cu kisas por envolvi otro Ministernan tambe cu ta pushando duro pa keda cla cu varios proyecto prome cu Gobierno di Hulanda cuminsa mete den maneho di nos pais. Kisas ta cu esey den mente, awor diripiente e siman aki for di seno di partido MEP a sali e idea pa cambia Haime Croes como director di DIP pa pone Robert Maduro na su luga.
MEP kier un hemde cu ta sigui instruccion di nan, locual obviamente nan no tin den persona di Haime Croes, cu ta ruman di Roland Croes di Setar. Awe a puntra Minister Lopez si e ta na altura di e intencion pa retira Croes for di DIP. El a bisa di a lesa e noticia ey tambe pero oficialmente e no a tende nada ainda. Dialuna e lo presenta bek na trabou y lo tuma su cartera over. E ora ey e lo tende kico ta plannan di MEP cu su ministerio y e directornan resortando bou di dje.
Marisol Lopez a yega cu su casa Edsel y su yiu muhe chikito for di Hulanda. Nan yiu muhe mayo, Dominique, a keda studia na Maatsricht, na Hulanda.
