Un di e puntonan interesante cu a puntra minister Glenbert Croes, kende ta titular di e cartera di integracion, t’e echo di e prohibicion di entrada di (e ex-director di DIMAS) Kathy Ruiz-Paskel. Tambe a tuma nota cu e director adhunto a gana su caso den corte.
Riba esaki e Croes a menciona cu e no lo drenta den detaye specifico. Obviamente DIMAS tin un pasado cu e kier drecha. E kier drech’e cu un team nobo. E tema di e caso cu ultimo cu a tuma luga, hues a rechasa tur e vorderingnan di e persona.
El a declara cu su peticion pa declara e prohibicion di entrada nulo, a honr’e. E minister a indica cu e mes a trek e in, ya cu e periodo a pasa y a cuminsa traha. Te cu el a duna e tareanan nobo.
Unico cos ta cu e minister ta pensa cu mester habri un capitulo nobo na DIMAS y ohala esunnan cu tin preocupacion of cu por tin diferencia di opinion cu e minister, tambe scoge un capitulo den nan bida profesional, cual tin tur apoyo di e minister.
Pa por drecha DIMAS mester laga e pasado pa pasado y habri un capitulo nobo di un perspectiva di servicio humano, briyante, bon, flexibel y lihe, cu e comunidad stranhero tin derecho di dje como cliente di DIMAS, como tambe e comunidad comercial.
DIMAS ta di vital importancia p’e recuperacion comercial, recuperacion economico, recuperacion turistico di nos pais, e mandatario a bisa por ultimo.
