Durante pleno awasero compaña pa strena cu lamper diahuebs anochi pa mas o menos 9:00 pm a sosode un accidente di auto riba e caminda di Tanki Leendert. Un auto marca Mini Cooper color shinishi, numera A-42581, a bay cay den e rooi cu ta core paralelo cu e caminda.
Parce cu door di awasero, e caminda tabata slip masha. Na dado momento e chauffeur a perde control riba e stuur, cu consecuencia cu e auto a slip y bay cay den e rooi. Danki Dios cu e chauffeur a sali ileso di e accidente.
E auto si a sufri basta daño, pa cual a manda yama seguro pa tuma nota di e susedido. No tabatin daño na ningun otro auto of pal’i luz, sino solamente na e mesun auto so.
Facebook live link : https://www.facebook.com/24ora/videos/346876751034027/
