Un ciudadano den e area residencial na Rooi Santo y Opal a bin descubri un ladron cu ta pasa tur anochi busca den autonan pa cosnan pa horta.
E suerte ta cu e ciudadano aki a capt’e riba camara y por lansa advertencia na tur e hendenan cu ta biba den e area aki.
E ta bisa cu como un ciudadano preocupa e kier a informa pueblo cu e personanan aki ta bezig ta horta den autonan den e bisindario menciona y pa ta alerta di kico e homber aki por haci.
Si abo tabata un victima of por a mira algo, bati alarma na Polis.
Loke a capta riba e camara aki a sosode dia 27 di september pa 12:24 am
