Lider di Accion21 a papia cu parlamentario independiente mr. Gerlien Croes pa uni na su partido. Pero, e parlamentario a pidi tempo p’e pensa riba e proposicion ey. Di otro banda Accion21 tin bista riba e actual Minister di Economia.
Miguel Mansur, parlamentario, a indica cu e ta kere cu tanto Geoffrey Wever y Gerlien Croes ta candidato cu talento den politica. E ta prefera di sigui mira nan den politica. Pa E porta di Accion21 ta habri pa ambos candidato.
El a enfatisa cu si den eleccion cualkier pas’e den voto, e lo hala un banda pa nan bira lider. Pero si Wever ta reevalua su futuro politico, porta di Accion21 ta habri p’e. Mansur ta kere cu Wever ta un beneficio (asset) pa cualkier partido.
Publicamente Mansur a propone na Gerlien Croes pa forma parti di su partido, pero e parlamentario independiente no a duna un contesta di biaha. El a sigui indica cu Croes a pidi pa tempo. E ta spera cu e parlamentario independiente reflexiona bon. Realidad ta cu tur partido di Aruba lo ta encanta di tin Gerlien.
Pa mas lesa TREMPAN.COM.
