Diabierna mainta nos a topa cu Mexi Lont. E ta un adicto ambulante femenino conoci pa ta mayoria bes den cercania di corte.
Lont a expresa cu su cas mes ta te na Ayo y ta hay’e hopi biaha dificil pa mobilisa mirando cu no tur ora bus ta pasa aya banda. Lont a expresa cu aunke e tin contacto cu su familiarnan, e no kier pa nan wak e asina ni yud’e tampoco pasobra e kier yuda su mes.
Lont a expresa cu tur ora e instancianan concerni ta bisa cu ta bay yud’e pero te ainda e ta warda. Pa Lont ta un situacion dificil, pasobra e kier sali di e bida di droga y kier busca yudansa. Pero tur ora e instancianan concerni ta priminti pa yud’e pero no ta hacie.
“No bisa mi cu bo ta bin yuda mi y bono ta bin busca mi”, tabata e palabranan di Lont. Sigur lamentabel pa un persona cu ta buscando ayudo urgentemente pero te ainda nada di e instancianan encarga cu esaki.
