Servicio Meteorologico di Aruba (Meteo) ta informa cu awe nochi shelo lo ta parcialmente nubla y generalmente seco. Den marduga y mañan lo ta parcialmente nubla cu awasero breve. Biento lo ta modera for di generalmente direccion oost cu forsa 3 te 4 (12 te 30 km/ora, 7 te 16 nudo).
Situacion general di tempo pa e proximo 24 oranan:
Un ola tropical situa den parti oost di Caribe lo move den region local bay west. Debi na esaki, durante e proximo 24 oranan humedad den region lo aumenta. Principalmente den oranan di marduga y mainta trempan esaki lo pone mas nubia pasa over di region local cu un awasero y chens pa strena cu lamper.
Condicion maritimo/estado di lama:
Ta spera un estado leve te modera na e sectornan oost te noordwest di costa den e proximo 24 oranan. Olanan lo ta for di noordoost entre 2 pa 5 pia. E olanan di mas halto lo ta na e sectornan oost te noordwest di costa.
Pronostico di tempo pa proximo 3 dianan:
Shelo lo ta parcialmente nubla cu awasero breve. Biento lo ta for di direccion oost y modera, basta fuerte te fuerte den rafaga. Temperatura max/min lo ta 34/28 grado Celsius.
