Diadomingo a mira basta movecion di Polis riba beach den e area di Malmok.
E zona di Fisherman’s Hut y area di Ritz Carlton unda botonan ta aglomera ta unda e mayoria control a tuma lugar. Polis Maritimo ta esnan cu tabata den nan boto atendiendo cu e botonan y nan documentonan.
Botonan mester pasa un keuring cada seis luna. Logicamente e botonan cu ta na beach, tabata acerca e capitan pa atende cu su papelnan. Polis tabata atento tambe e comportacion di esnan na beach. E aglomeracion mester ta limita y riba cierto distancia. Hopi hende ta bay beach diadomingo pero mester zorg pa atene nan mes na e reglanan cu gobierno a anuncia pa evita confrontacion cu Polis.
