Departamento di Prensa di Gobierno ta informa cu dialuna minsiter presidente Evelyn Wever-Croes a wordo notifica pa DVG cu e mester bay den cuarentena preventivo te fin di siman, debi cu un persona cu el a reuni cu ne siman pasa a test positivo.
E mandatario mes a ricibi dos dosis di vacuna caba. For di informacion ricibi di DVG, ora un persona a ricibi un of dos vacuna, ta keda recomendabel pa mantene cuarentena pa motibo cu ainda Aruba no a alcansa e 85 porciento di su poblacion cu a wordo vacuna. Y e variantenan tambe por causa cu tin cierto brotenan.
Premier Wever-Croes a duna di conoce dialuna mainta trempan cu e ta sinti bon y no a experiencia ningun sintoma di Covid. Pa e motibo ey esnan cu a reuni cu e mandatario den ultimo siman no mester preocupa. Pero pa precuacion e lo lo sigui e instruccion di cuarentena, manera stipula door di DVG.
E mandatario principal di nos pais a cuminsa siman cu un agenda di trabou bastante pisa y pa e siguiente dianan mayoria di e citanan planea lo continua di forma digital.
Mainta el a cancela su presencia den un conferencia di prensa progra,a di gobierno. Solamente minister Dangui Oduber tabata presente.
