Parlamentario Mervin Wyatt-Ras a tuma nota di reaccion di Cft ariba gobierno den cual ta trece claramente cu gobierno a haya un “dikke onvoldoende” pa presupuesto 2018.
Gastonan a aumenta en comparacion cu realisacion di presupuesto 2017. Esaki ta cuadra cu locual Raad van Advies como organo di conseho tambe a indica. Esta cu envez cu e gobierno aki, cu a grita cu tin mega debe, a baha su gastonan y su cantidad di ministernan manera a priminti pueblo, a aumenta gastonan di 2017 di gobiero anterior. Gobierno a hisa su gastonan cu 125 miyon florin di cual 13 miyon ta gastonan di mas personal y 17 miyon gastonan di compra di auto ultimo modelo, compra, pago di viahenan y tambe otro gastonan di luho, ta busca pa haya placa for di nos pueblo dor di diferente aumento serca nos hendenan humilde.
Na inicio di gobernacion envez di traha a cuminsa na fia 130 miyon florin pa paga gastonan di nombracionnan politico y consume di luho.
A tarda 5 luna promer cu gobierno por a entrega e presupuesto 2018 na Parlamento. E Parlamentarionan cu ta sostene gobierno a core aproba aumento di gastonan encomparacion cu gobierno anterior na 2017. Despues gobierno a manda e ley di medidanan pa complete obra. Den apenas 3 dia e stempel parlement a core atrobe aproba e medidanan cruel contra di nos pueblo.
E aumento di te 6 % di BBO. BAZV, BPPS lo tin consecuencianan grandi y devastador pa nos hendenan, en especial esnan vulnerable den nos comunidad. Prijsnan di comestibles y di pan lo subi. Banconan lo bai cobra pa transaccionnan, seguranan tambe lo cobra 6%. Gasolin lo subi atrobe entrante 1 di juli cu 10 cen. Un djies prijs di awa y coriente tambe lo subi. Ya a subi airporttax cu 40%. Prijs di restaurantnan, transporte tambe lo subi, locual sigur lo influencia nos turismo y haci Aruba hopi mas caro cu otro paisnan den Caribe. Esaki sigur lo causa stress y problemanan social serca nos ciudadanonan cu lo escala den un crisis social.
Pesey mes no por bisa cu e gobierno aki tin e hende central. E e aumento di BBO, BAZV, BPPS sigur ta un atraco den dia cla contra di nos hendenan.
Riba ordo di Cft manera treci padilanti ultimo lo bai kita como 200 trahado for di trabou pa por baha e suma presupuesta pa personal cu 11 miyon. Pesey mes e persecucion politico lo continua sin misericordia. Gobierno MEPPORRED a pone demasiado di nan famia y amigonan na trabou cu awor cu Hulanda tambe a ripara nan mester busca otro trahadornan pa manda cas. E nepotismo anticua di e gobierno aki ta inacceptabel y no ta cuadra cu un gobierno cu a priminti di pone e hende central.
Wyatt-Ras y su partido ta sumamente preocupa pa e situacion aki y pesey mes partido ta bai den diferente bario pa informa nos cuidadanonan encuanto e desaroyonan inacceptable aki.
