Mervin Wyatt-Ras ta candidato di AVP y el a deposita su voto na Centro Hubenil Washington hunto cu su casa y sostenedo. Na momento cu el a vota, e proceso a bay hopi lihe, specialmente si un persona sa kico e kier.
Awe ta e dia y ya caba el a deposita su voto, pero e lo sigui bay diferente parti di Aruba pa ta visibel. Tambe pa sostene esunnan cu ta bay vota pa AVP y p’asina combati tur friends & family, combati e pobresa den comunidad, pa por trece bek, rescata y restructura Aruba. E ta gradici na e partido pa por logra e victoria, mustra y drenta gobierno pa trece e cambio real.
Pa loke ta e proceso esaki a bay bon, lihe, cu a laga filma y e ta elogia esunnan di e urna. Loke e ta haya un tiki fastioso, tabata un tiki scur. E ta spera cu e bay bon y hende por vota corecto, pasobra tin biaha hende por haci eror den votacion. E ta contento cu no a bay na votacion electronico, pero si ta haya cu e parti di kiezersregister tabata fastioso. Wyatt-Ras ta di pensamento cu partido AVP semper ta transparente, nan den gobernacion no lo permiti tipo di acto asina pa tin corupcion. Nan lo garantisa cu na momento pueblo tin su bos, lo scucha nan y tambe lo tene cuenta cu opinion di pueblo.
