Mericanonan lo ta soñando pa biaha pa Francia, New Zealand of Costa Rica e aña aki? Minister di Finansa di Merca, Steve Mnuchin, a bisa cu biaheronan lo tin cu pensa atrobe riba nan plannan p’e resto di 2020. Den un entrevista cu FOX Business Network di dialuna, Mnuchin a bisa cu “ta dificil pa bisa” si biahamento internacional lo ta posibel e aña aki door di e pandemia COVID-19. No ta probabel cu tin un prohibicion total di biahenan internacional, pero por ta cu no tin hopi opcion pa biahenan di placer riba mercado masivo den exterior.
Un consehero di Departamento di Estado Mericano ainda ta pidiendo Mericanonan pa evita biahenan internacional. “Nos prioridad ta pa habri economia domestico,” Mnuchin a bisa. “Obviamente, pa hendenan di negoshi, lo tin limite pa biahamento.” Casonan di COVID-19 ta sigui bin padilanti den casi tur estado, pero Mnuchin ta sugeri Mericanonan pa tin vakantie domestico. “Esaki ta un bon oportunidad pa explora Merca,” el a bisa. Minister Mnuchin tambe a bisa cu Gabinete di Trump ta considerando formanan pa boost biahamento y industria di restaurant.
“E Presidente tambe ta mirando formanan pa stimula biahenan,” Mnuchin a bisa. Mayoria Mericano ta cauteloso pa plannan di biahe pa futuro, segun estudio nobo di Skift, e website di biahe. Solamente un tercer parti di Mericanonan ta bisando cu nan lo biaha den 3 luna despues cu lanta e restincionnan y 4 di 10 Mericano a bisa cu nan luga pa bay lo ta un road trip menos cu 100 miya di cas.
