Den careda di 1’or y 35 di madruga, e security di Superfood a nota un Nissan Sentra color blauw numera A-29512 a yega para pabou di Superfood na un manera hopi straño. E security no a confia e momento ey y a dicidi yama polis. Ora cu polis a yega nan a bay atende cu e Sentra blauw aki, y a bin topa cu un homber Mericano pata pata sinta den e auto. Polis a cuminsa papia cune, pero e no tabata reacciona cu polis. El a purba di start e auto y move, pero reaccion rapido di polis a haci cu nan a logra kita yabi di e auto y detene e homber aki. Mesora a manda pidi dogcatcher pa asina transporta e homber aki pa warda di Noord. Ora dogcatcher a yega, nan a saca e homber for di e auto. Pero e homber ta asina na werki cu el a hera kita cay. Polis mester a guia e homber aki pa asina logra hink’e den dogcatcher y despues a transport’e pa warda di Shaba.
