Awe diasabra Merca a aumenta su criticanan contra e lider di Venezuela, Presidente Nicolas Maduro, cu un yamado explicito pa formacion di un gobierno nobo den e pais. E departamento di estado a bisa den un comunicado, cu e ta apoya e lider di congreso opositor di Venezuela, Juan Guaido, kende a bisa diabierna cu e ta prepara pa asumi e presidente di Venezuela temporalmente como reemplaso di Maduro.
E comunicado tabata esun mas reciente den un descarga di atake di e gobierno Mericano contra Maduro, cual inauguracion pa un di dos mandato a wordo ampliamente cataloga como ilegitimo.
“E pueblo di Venezuela merece biba den libertad, den un sociedad democratico goberna pa ley,” Robert Palladino, vocero di e Departamento di estado a bisa. “Ta ora pa cuminsa e transicion ordena pa un gobierno nobo. Nos ta apoya e peticion di e Asamblea Nacional pa tur Venezolano traha uni, pacificamente, pa restaura un gobierno constitucional y crea un miho futuro.”
“E gobierno di Merca ta sigui usa tur e peso di economia y diplomacia Mericano pa presiona pa e restauracion di un democracia na Venezuela,” el a bisa den un comunicado, cu a wordo publica for di Abu Dhabi, unda actualmente ta biiahando e secretario di Estado, Mike Pompeo, como parti di un gira di nuebe pais den Medio Oriente.
Pompeo a papia cu Guaido na principio di e siman, poco despues cu e homber di 35 a wordo eligi pa lidera e Asamblea Nacional.
E secretario a bisa prensa cu tabata biaha cun’e cu e eventonan cu awo ta desaroyando na Venezuela ta “Increiblemente importante.”
“E regimen di Maduro ta ilegitimo y Merca lo sigui… traha pa diligentemente restaura un democracia berdadero den e pais aki,” el a bisa. “Nos tin hopi speransa cu nos lo por ta e forsa di bon pa permiti cu e region ta uno pa esey.”
Dilanti personanan reuni den un caya na Caracas un dia despues di e inauguracion di Maduro, Guaido a bisa cu e ta dispuesto pa converti den presidente interino. Pero a agrega cu e mester di apoyo di e publico, forsanan arma, otro paisnan y gruponan internacional prome cu purba di forma un gobierno di transicion pa organisa eleccionnan nobo pa reemplasa Maduro.
E director di e Organisacion di Estadonan Americano, secretario general Luis Almagro, a responde rapidamente den un tweet, cue ta reconoce Guaido como e presidente interino di Venezuela.
E conehero di siguridad nacional di Merca, John Bolton, e ora ey a elogia Guaido, aunke no a responde na e reconocimento di Almagro como presidente interino. Bolton a reitera e postura di Merca cu e eleccion di Mei cu a duna Maduro e segundo mandato, no “tabata liber, husto of creibel” y a bisa cu “nos ta apoya e decision cu curashi” di e declaracion di Guaido cu “Maduro no tin legitimante e presidencia di e pais.”
