Venezuela a menasa diaranson e paisnan di Grupo de Lima cu adopta “e medidanan diplatico mas urgente y duro” si no rectifica su postura respecto e Gobierno di Nicolas maduro, kende nan a pidi den su ultimo declaracion pa no asumi un mandato nobo di seis aña. Manera cu por corda, diabierna a vence e 48 oranan cu el a duna como plazo. Te na e momentonan aki no tin represalia.
“A entrega na tur e gobiernonan di “e cartel di Lima” e nota aki di protesta diplomatico, unda cu nos ta exigi un rectificacion di nan posicion riba Venezuela den 48 ora of e Gobierno di Venezuala lo tuma e medidanan diplomatico di mas urgente y duro pa e defensa di e integridad di e soberania,” Maduro a bisa diaranson durante un rueda di prensa cu medionan internacional.
Di e manera aki, e gobierno Venezolano a duna di conoce e entrega, atrabes di su canciyer Jorge Arreaza, di e notanan di protesta na 13 di e 14 paisnan cu ta conforma e Grupo de LIma. E contenido di esakinan no a wordo divulga.
E paisnan cu ta conforma e Grupo de Lima, cu excepcion di Mexico, a afirma diabierna pasa cu “nan no lo reconoce” un gobierno nobo di Nicolas Maduro na Venezuela door di considera cu e ta producto di un proceso electoral na cual nan a cualifica di ta “ilegitimo.”
“Dia 10 di Januari a duna inicio na un periodo ilegitimo nobo di e regimen di Nicolas Maduro, e mesun cu ta deriva di eleccionnan ilegitimo cu no a conta cu e minimo standardnan democratico, ni e participacion id tur e actornan politico envolvi den e proceso Venezolano,” e canciyer Peruano Nestor Popolizio a señala na fin di e reunion, kende tambe a encabesa e encuentro.
Riba e liñanan aki, e gobiernonan di Argentina, Brasil, Canada, Chile, Colombia, Costa Rica, Guatemala, Guyana, Honduras, Panama, Paraguay, Peru y Saint Lucia, a insisti na e mandatario Venezolano pa no asumi e presidencia di e regimen nobo aki. E unico pais miembro di e grupo cu no a dirma e Declaracion tabata Mexico.
Grupo de Lima tambe a pidi Maduro, den su exhortoo di diabierna ultimo, respet na e soberania di su bisiñanan den referencia na e interceptacion di parti di Venezuela di dos tankero di e petrolero Exxon Mobil den awanan di Guyana y e pais Caribeño a reclam’e como di dje.
E ultimo yamado aki a lanta e repudio di e Chavismo gobernante, cu a rechasa di manera special e punto aki den adverrti cu e ta lesiona e soberania di e pais.
Den e sentido aki, Maduro a bisa cu e Grupo de Lima “a come e luz” y cu e declaracion den su conhunto ta atenta contra e principionan di e derecho internacional.
E presidente di Venezuela, Nicolas Maduro, a asumi diahuebs un di dos mandato di seis aña, considera ilegitimo pa Merca, Union Europeo (UE) y e mayor parti di America Latina cu ta menasa pa aumenta e presion contra di su gobierno.
Nicolas Maduro, di 56 aña, a huramenta dilanti e Tribunal Supremo di Husticia (TSJ, di linea oficialista), den un acto caminda cu no a asisti representante di UE, ni di e mayor parti di America, excepto un man yen di mandatarionan aliado.
