Despues di e caso sumario den Corte di LAR awetardi, mr. Evelyn Wever-Croes a duna di conoce cu ta respeta e decision di Hues pero a pidi simpatisantenan pa keda pendiente pasobra lo sali for di mainta te atardi pa recauda fondo den tur districto. MEP lo recauda fondo pa por yuda nos rumannan na St. Maarten. Ta pidi simpatisantenan pa drenta tur bario den e cuadro aki y pa na final termina na Plasa Starke dilanti DIMAS pa eynan conta e suma recauda. MEP di e forma aki ta reitera cu nan lo NO core parada, pero si lo sali hunto pa recauda fondo den tur barionan.
