Na vispera di e Dutch Caribbean Fencing Championship 2017 cu lo tuma lugar den prome siman di oktober, e federacion di esgrima SABA lo tene nan tradicional Arubaanse Kampioenschappen diadomingo awor, 17 di september, den e accomodacion di IBISA San Nicolaas. E competencia lo ta uno Wapen: Degen.
E inscripcion lo ta 9or di mainta mientras e competencia mes lo inicia pa 10or di mainta. Mirando cu e Dutch Caribbean Fencing ta den porta tur atleta lo kier ta mihor posibel preparapa e competencia internacional celebra na cas. Clubnan di esgrima, Universal Fencing Club, Scherm Club Brazil, Centro Deportivo Playa y Don Bosco Knights/Beau-Gest sigur lo forma parti di e Arubaanse Kampioenschappen cu nan mihor atletanan. Mester bisa cu cada bes nos por mira varios prospecto y talento nobo den e deporte di arte martial mientras cada dia e ta bira mas popular cu mas club y miembro. Un danki sigur na Lotto, e Loteria di Aruba pa medio di Comision di Subsidio cu a subsidia e competencia di esgrima Arubaanse Kampioenschappen 2017.
*Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
