Departamento di Salud Publico di Aruba (DVG) a informa awe cu 103 persona a recupera di Covid-19, pero di otro banda a registra un total di 45 caso nobo di cual 11 ta no-residente. A efectua un total di 761 test ayera na e diferente localidadnan na Aruba, entre otro laboratorio di hospital, laboratorionan priva y aeropuerto. ‘Postivity rate’ entre nos residentenan ta 30%.
Casonan activo pa awe ta 619, mientras cu e cantidad di mortonan relaciona cu Covid-19 ta na 82. Ta bon pa subraya cu na Aruba nos tin e cantidad mas halto di morto pa motibo di e virus aki. Na Corsou nan tin 30 caso, mientras cu Boneiro tin apenas 10 caso lamentabel di fayecimento.
Hospital a informa awe cu tin un total di 44 persona interna di cual 14 ta den cuido intensivo y 30 riba unidad general di Covid-19. Esaki ta un aumento mirando cu diariamente hendenan ta yegando malo eynan con por hala rosea na drechi, pa cual mester interna nan mesora y pone nan riba mashin pa haya respiracion artificial.
