Desde diaranson, dia 1 di mei 2024, lo nace un radio emisora nobo na Aruba. Por lo menos un nomber nobo, pasobra e radio ta den aire for di algun aña caba. Pero, awo a mud’e pa Caya Betico Croes # 222, den Cayena Mall y ta cambia e nomber di Vybes FM pa HOT 103.5 FM. E gerente tambe a cambia di Gigi Helder pa Jonathan Lake, cu ta considera esaki un berdadero soño p’e, pa por yega na su mesun emisora, net pa celebra 20 aña den radiodifusion.
E radio emisora a habri como Massive FM bou encargo di Alison Williams a pasa aña pasa den man di Gigi Helder y a cambia pa Vybes FM. Helder a keda cu e radio algun luna y lo a bend’e awo cu Jonathan Lake, cu a opta pa bandona Canal 90 FM y sigui cu su programa “Ta su ora” di dialuna pa diabierna, for di 7:30 am pa 10:00 am a traves di Hot 103.5 FM.
Jonathan Lake a cuminsa su carera na radio Crystal FM y a crece den audiencia. Pa ta un locutor durante dos decada no ta algo facil, mirando cu semper mester keda innova.
Riba diaranson dia 1 di mei 2024 lo ranca sali cu e radio cu nomber nobo y cu programacion nobo, desde 6:00 pm.
