Na ocasion di su 80 aniversario, Prins Bernhard Cultuurfonds (Hulanda) a pone un suma di €80.000,- (Afl. 176.000,=) na disposicion di Prins Bernhard Cultuurfonds Caribisch Gebied (‘PBCCG’). E contribucion akí ta un forma di reconocemento di e hecho cu en efecto e Fondo di Cultura (Hulandes) a nace aki na Caribe.
Cu e gesto aki e Fondo di Cultura (Hulandes) ta consolida e vinculo historico entre e dos organisacionnan y un biaha mas demostra
su aprecio pa e trabou cu PBCCG a bini ta desplega na e seis islanan caribense, cu ta forma parti di Reino Hulandes.
PBCCG ta subraya e vinculo historico y ta expresa su gratitud sincero pa e contribucion. E danki di parti di Fondo di Caribe ta particularmente dirigi na Adriana Esmeijer, kende despues di 20 aña di dedicacion fiel na interesnan cultural di e islanan caribense, ta tuma despedida di e Fondo di Cultura di Hulanda y ta habri caminda pa e director nobo, Cathelijne Broers.
