Marck Oduber, meteorologo, ta sigui tur loke ta tempo. Como experto di ciencia pa UNESCO, obviamente ta sigiu e temporada di horcan si e tin efectonan cu ta cay bao di operacion di UNESCO IOC. Pa e temporada di horcan, tin instancianan cu ta indica cu ta mas activo cu normal y tin otro instancianan ta indica cu ta menos activo cu normal. E efectonan principal cu nan ta wak ta uno: ta bezig a sigui e parti di el niño cu la niña y cu lo por tin un efecto riba e situacion di pronostico di horcan.
Lamentablemente pa e pronostico di el niño y la niña, por bay neutral. Pa e parti Pacifico semper ta hopi swak den e temporadanan aki. Esey por a wak un bon ehempel aña pasa unda cu e temporada tabata no tabata activo, pasobra a kere cu cierto patronnan a cambia, pero no a pasa.
E aña aki atrobe ta mustra cu cierto patronnan cu ta bay cambia y tin ta mustra cu no. Di un otro banda, den e parti di lama mes, e awa ta tiki friu y ta un tiki brik pa temporada di horcan.
Tambe a nota cambio di atmosfera den e parti Atlantico, por pone cu ora e olanan tropical sali for di Africa, nan ta core tiki lihe y ta haya chens pa desaroya y bira ciclonnan tropical manera otro añanan. Pesey tin cu ta pone tiki riba normal, pasobra nan ta mira cierto otro condicionnan pero tin cu ta mustra cu temporada di horcan ta mustra normal y tiki abao di normal. Ta calcula cu esey ta e caso tambe, mirando e situacionnan cu tin te cu ainda. E ora ta anticipa un total di 12 tormenta tropical, unda cu 6 ta bira horcan y 2 porta intenso, segun e proyeccionnan.
Otro instancianan cu si a pronostica mas activo, manera North Carolina State University a pone 14 pa 18 tormenta tropical y 7 pa 11 horcan. Manera cu Oduber a indica, ora cu a traha e pronostico, tabata un tiki mas tempran. Otro pronosticonan a sali manera esun ya duna, ta mas factibel te cu awo.
Experiencia
Pa aña pasa, e temporada cu tabata activo y tabata tin algun ciclon cu a yega cerca di nos. Ta indica atrobe cu Aruba no ta un pais cu ta pafo di faha di horcan. Tur aña mester ta prepara pa un ciclon tropical. Si tabata tin un hoge drukgebied fuerte cu a push’e abao y otro condicionnan cu a tene e ciclonnan abao, e pasa cerca dibo, e ta afectabo. Nos ta den un region cu por haya cierto ciclonnan tropical, e ora nos mester ta semper prepara.
Conseho
Oduber a splica cu desaroyo di horcan, si ta den parti Caribense, tin cu sigui esaki sigur. Manera ya menciona, Aruba no ta pafo di e faha di horcan. Nos ta den e parti zuid. Den temporada di horcan semper mester ta activo e ora pa mira unda e sistemanan ta move.
Nombernan di sistema
Tur aña nombernan di e sistema ta cambia. Nan ta wordo designa pa e organisacion mundial di tecnologia. 2018 por ehempel e prome ta Alberto, Beryl, Chris y Debby, e experto a finalisa.
