Posibel persecusion den Gobierno ta continua. Parce cu Minister Otmar Oduber, bou unda DIP ta resorta, a manda tres trahado cas. A yama nan pa presenta diaranzon merdia na oficina di Minister y ya diahuebs nan no a presenta mas na trabou. A haya informacion cu nan a wordo suspendi. No ta conoci pa cuanto tempo.
Ta trata di trahadonan cu tin entre otro 15, 20 y hasta 30 aña di servicio na DIP. Den DIP tin un cantidad di hende cu e Minister a manda pa traha eyden. Entrenan candidatonan di su partido. Pesey hopi trahado na dado momento no ta confia mas di traha den un ambiente di confianza entre colega. Tin un situacion di tension y trahadornan ta traha traumatiza.
E trahadornan ta A.P. cu tin mas cu 30 aña den Gobierno y ta trahando awor den e seccion di tereno. E otro trahador ta R.F. cu tin mas cu 15 aña trahando y awor aki ta den e seccion di personal. Tambe tin B.F. cu tin mas cu 20 aña trahando den e seccion financiero.
E susto ta grandi den DIP entre e trahadonan, kendenan ta haya e situacion hopi tristo pasobra awor ni papia no ta papia cu otro pasobra no por confia ningun hende eyden.
