Desde dia 25 te cu dia 28 di juni 2019 ta tumando luga e reunionnan Interparlamentario di Reino Hulandes na Den Haag, Hulanda. Participantenan ta Tweede Kamer y Eerste Kamer (Parlamento) di Hulanda, hunto cu esun di Aruba, Corsou y Sint Maarten. E biaha aki Parlamento di Sint Maarten no ta participa pa motibo cu nan mes ta tratando nan propio presupuesto eynan. Ta atendiendo temanan manera e situacion na Venezuela, Sustainable Development Goals (SDG’s) y nos relacion estatal den Reino Hulandes.
Tambe e delegacionnan di Aruba, Corsou y di Hulanda a haci un presentacion di desaroyonan tumando luga den cada pais participante. Tambe tabatin varios bishita di trabou na Rotterdam na e aeropuerto di e ciudad menciona y hasta a cera conoci cu e “De Rotterdamse wijkaanpak”.
E reunionnan Interparlamentario ta termina diabierna awor den oranan di merdia, ora stipula y firma e lista di acuerdonan entre e Parlamentonan. Parce cu e Parlamentarionan di Aruba a opta pa keda por lo menos un siman mas Hulanda pa sigui atende otro reunionnan di trabou eynan. Parlamento di Aruba lo ta completo atrobe te aki dos siman, den e prome siman di juli, net pa nan baha cu reces.
