Un auto marca Nissan modelo March cu dos persona sospechoso bisti cu capuchon a sigui tras di un dama cu a sali for di hospital awe marduga. E auto a persigui e dama y su yiu for di hospital te na CITGO Sasaki.
Polis a yega mesora na e sitio y a compronde cu e dama a caba di sali for di hospital, drenta auto unda su yiu tabata ward’e y a nota dos persona bisti cu capuchon den un Nissan March color blanco (number conoci na Polis) a cuminsa core nan tras. E dama a yega CITGO Sasaki y aki e yiu a baha bati alarma. polis a dirigi varios patruya pa e pompstation.
Pero ora cu esunnan den e Nissan March a mira kico a sosode, nan a core bandona e sitio. Polis a controla e number y esaki ta cuadra cu un adres den cercania. E patruya a bay na e adres pero no a topa cu e auto encuestion. Polis tin atencion pa e caso aki!
