Tabata tin hopi caso durante dia caminda cu Brandweer mester a asisti. Vocero di Brandweer, Ferdinand Ponson a splica cu den e temporada di awa, nan sa tin basta yamada. Manera awe asina, nan a bay na varios cas caminda nan tabata tin molester di awa.
A splica e habitantenan kico pa haci y nan mes a yuda unda nan por a yuda pa asina awa no yena dimas den cura.
Tin hopi mata a cay stroba trafico. Segun Ponson e ta bay tambe bao di Brandweer, pero tambe tin diferente unidad di DOW cu tambe ta atende cu esaki. Loke cu ta cay pa stroba trafico, ta trimnan di biaha.
Ora cu mira esakinan Brandweer tambe ta avisa DOW pa percura pa esaki.
Tabata tin un momento caminda cu tur unidad tabata riba caya. Segun Ponson nan tabata bezig ta monitor esaki con e awa lo tabata coriendo, mirando e infrastructura cu tin awor aki, camindanan cu ta conoci cu ta bay den casnan y tambe pendiente pa e casnan cu sa tin molester di awa, a yuda nan y atende esaki ora cu ta sina leu cu awa lo por a drenta den cas.
Un situacion drastico
Ponson a menciona cu te awor aki, si awa lo tabata riesga pa drenta den cas di hende, nan lo a set up nan pompnan pa asina evita cu nan lo a drenta den e casnan.
Temporada di awa
Sigur Ponson tin algun tips pa duna. Mantene un bon relacion cu bisiña cu si algo asina pasa cu awa drenta, pa tin un drain pa asina awa por sigui, comunica cu nan wak con pa yega na otro pa haci esaki y purba di mantene esaki mas limpi posibel pa asina e no plug esakinan.
Tambe tin cu tene cuenta con ta mantene e cura limpi.
