Despues cu e Radio MAGIC FM a inicia na 1998, Erin Croes a hacie un tradicion pa haci e conteo oficial di cambio di aña pa un aña nobo tras di e microfononan di su emisora MAGIC 96.5 FM. Esaki a sosode durante casi 20 aña largo. E aña 2017 aki e ta bira diferente. Erin a aserca e conocido Roberto A.Geerman locutor di e emisora Galactica FM kende pa añanan largo a realisa e transmicionnan aki. Nos ta papia di casi 40 aña caba.
Mirando e total di decadanan cu Roberto ta haci e transmicionnan aki, Erin a dicidi di acerk’e y dune e timon pa conduci esaki pa Aruba.
“Mi ta pensa ta un honor pa nos brinda Roberto na vispera di su 40 añanan, realisa e conteo oficial atravez di 2 emisora en cadena. No ta nada straño cu mas emisora dicidi di join y rindi e honor aki na nos amigo y colega Roberto”, asina Erin Croes di Magic 96.5 FM a indica.
Erin y Roberto a drenta den un ‘joint venture’ pues un transmicion enconhunto cu 96.5 FM Y 99.9 FM na unda Roberto lo ta e bos pa guia e transmicion di Cambio di Aña 2017 pa 2018.
E anuncio oficial di un cambio den un tradicion atravez di MAGIC 96.5 FM a keda anuncia durante e penultimo edicion di e tan popular programa NA DREMPEL DI FIN DI AÑA.
Ta invita tur hende pa sintonisa e Conteo Oficial riba 31 di December cuminsando ya pa 10:00pm despues di Aruba’s TOP 100.
