E aña aki e radio emisora MAGIC 96.5 FM a cumpli 20 aña di existencia y a dicidi di trese bek un di e prome actividad nan cu den pasado a jega di organisa, esta Hand-A-Thon. Esaki ta un competencia entre varios participante pa mira ken ta bay keda te na final sin lanta man pa gana un Auto Chevrolet nobo nobo. E record pa kibra a ser stipula na 65 ora. E prome Handathon cu e emisora a yega di organisa tawata na aña 2001 riba Eagle Beach.
E aña aki a dicidi pa dedica e evento na sport. E HAND-A-THON aki lo ta dedica na e deporte di Baseball di Aruba na unda lo entrega un contribucion na teamnan di e sport popular aki.
Preparacion fisico y mental
Despues cu e participantenan a bira conoci, a bay over na e preparacion fisico y mental y a organisa full un schedule di e.o. Landamento na Lion Fish Zwemschool di Juffrouw Sandy Rasmijn, Conditie training riba beach y den Linear Park cu Juffrouw Eugemine Ignacio. Tambe nan a haya chens di sera conoci cu e arte di Tai Chi. Ultimo nan a haya algun Healthy eating tips and habits presenta pa Rene Wild. Esaki a tuma lugar na SUBWAY Alhambra. Participantenan por a disfruta di un bon Salada tambe mesora. E cultura di healthy and sport, pues salud y deporte, pues e concientisacion riba e area aki a crece inmensamente na nos isla y nos ta pensa cu pa e motibo aki e competencia ta bay ta fuerte.
Un auto nobo nobo como premio
E aña aki a dicidi di bin cu un di e eventonan cu mas a hala atencion y publico cu modelo 2018 di autonan di e prestigioso compania STERN AUTOMOTIVE ENTERPRISES. E biaha aki e ta bira un Chevrolet AVEO 2018. Mas e auto lo ta sigura pa un aña complete pa NAGICO.
Branding partners ta esencial pa cualquier evento bira exitoso
Pa un evento asina ta dificil bo so realisa esaki ta pesey a aserca algun amigo den comercio cu a bira e BRANDING PARTNERS cu lo tey presente ta entre otro ARUBA BANK, NAGICO, BOHAMA ARUBA, ATCO CONCRETE, SUPERFOOD PLAZA. Alaves e Co-Branding partners ta KOK OPTICA cu lo bini cu un Pop up Store, SMIT & DORLAS COFFEE, SMART SYSTEMS ARUBA, ALL TO CAR y SUBWAY. Esnan encarga cu e lus y zonido ta ELITE productions.
Fecha di e evento
E evento final di Hand-A-Thon 2018 ta riba agenda pa tuma lugar cuminsando Diahuebs 30-31 Augustus y 1-2 September 2018. Riba Diabierna lo tin hopi ambiente musical cu bandanan local manera BULERIA y TSUNAMI, combina cu e mihor DJ’s di e isla manera DJ VIBES, YEIMY YEPES, NUTZ BEATZ, DJ SKY, J-RICK y otronan tambe. Mesun cos Diasabra lo tin animacion musical di e banda DURO ENTERTAINMENT combina cu mas atraccion y DJ’s Famoso.
Doorprizes
Durante e transmissionan y tambe e evento esnan cu tey presente lo tin chens di gana premionan nmanera pasashinan cu ARUBA AIRLINES pa MIAMI- CURACAO – BONAIRE, Dinners y mucho mas.
Hand-A-Thon 2018
Esaki ta un evento cu ta pone e forsa resistencia fisico pues e curpa y mente humano na prueba y ta super excitante. Den e historia di e radio, MAGIC FM a yega di organisa varios evento for di Fundraising pa diferente organisacion, Radiotons, car rally’s, show, fiesta, conciertonan y mas. E biaha aki e team conhuntamente a yega na e conclusion cu loke semper a keda graba den mente di tur hende ta e Famoso HAND-A-THON.
