Sindicato SEPPA tabata tey hunto cu e trahadonan di FFD durante nan walkout. Secretario General Magali Brito, e fundacion tin un storia basta largo.
Prome cu 2016 nan a afilia na SEPPA. Prome cu esey a busca diferente forma mediante otro sindicato pa haya atencion y solucion pa nan problemanan, pero esey no a sosode.
Brito a splica cu e directiva di FFD a trata na diferente ocasion pa bay na mesa y papia. Ultimo a keda acorda cu lo bay atende e asunto aki den un comision mas chikito, pasobra e asunto tabata tardando. Den di tres pa di cuater encuentro cu e comision, a ripara cu no tin sentido pa reuni cu e hendenan aki, pasobra nant a keda mantene nan posicion. Reclamo di e trahadonan ta basa riba un cambio di horario cu anteriormente nan a dicidi riba nan mes, sin consulta y sin aprobacion di trahadonan.
Di un otro banda ta asina tin un situacion tambe cu ora e trahadonan aki a bay over, tin dos grupo. E grupo cu ta e ex trahadonan di ASU cu a bay over y e ex trahadonan di Lotto, cu a bay over pa FFD. Pa e grupo di ASU, ora cu nan a bay over, nan a bay over, nan a bay over cu tur locual cu nan tabata tin derecho di tempo cu nan tabata na ASU y tin e status di gelijkgestelden. Pero bo tin e grupo di Lotto, cu na principio tempo nan tabata nan Lotto, nan tabata tin un handbook cu tabata valido pa nan.
Kico a sosode
Na 2015, FFD a bin cu un handbook. A impone e mesun handbook cu tabata conta pa e trahadonan di Lotto. Na e pregunta di SEPPA, con ta para e ora ey cu e condicionnan di trabao di e grupo di ASU, si nan tambe ta conta p’e, pa motibo cu e handbook ta conta pa tur personal. E tempo ey nan a bisa cu si, pero awo cu e trahadonan ta reclama cierto derechonan cu ta ancra den e handbook, nan no ta concede esaki. Na mes momento ta haya e grupo di esnan cu a bin di Lotto. Nan tin cierto derecho cu nan ta reclamando. Manera 140 florin riba nan salario, cual tampoco no kier wordo duna. E discusion ey ta keda bay bin riba dje. Na mes momento tin naturalmente e trahadonan kier pa tur cos wordo bon regla den un CAO. Pero prome cu regla un CAO mester regla tur e cosnan aki, trece claridad y pa asina ey por sigui.
Tin di compronde cu a dirigi un carta bidando cu nan a acerca mediador pa intermediacion, pero te ainda SEPPA no a ricibi nada for di mediador. E trahadonan a dicidi mainta cu nan ta drenta den accion di protesta contra e maneho cu ta wordo hiba na FFD, contra e directiva pa e forma cu durante varios aña a bin atende cu nan.
Accion
En principio e trahadonan ta walk out mainta pa 2 ora. Si no bin reaccion, e lo por escala, pero ta depende di e decision di e trahadonan. Di e detayenan di tur loke ta pasando na FFD minister Dangui Oduber tambe a acerca SEPPA pa informacion.
Tabata tin un encuentro cun’e ayera y e ta conciente con e direccion cu ta hibando pa loke ta FFD.
Kico mester yega na dje
Brito a splica, cu e trahadonan a bin pidi pa proposicionnan completo. Pa motibo cu no por kere mas den palabra di e diretiva, pa motibo cu pa varios biaha no ta bin solucion. Al contrario, e proposicionnan cu nan ta bin cune, no ta coherente cu e discusionnan cu ta hiba prome. Cada biaha cos ta cambia y esey ta inaceptabel. Si e trahadonan no ricibi un proposicion concreto pa bay na mesa y cosnan concreto cu nan por discuti, e ora ey e situacion lo keda escala.
