E fraccion di PVV a presenta un ley di iniciativa pa permiti criminalnan ta expulsa for di Hulanda. E debate den Tweede Kamer di parlamento Hulandes a sali fo’i man. Parlamentarionan a lanta bay den protesta y un presidente di parlamento pa yama e parlamentarionan na ordo.
Miembro di parlamento di SP, Ronald vn Raak a papia di “un debate pober”. El a puntra vocero di PVV, Alexander Kops dicn el a keda den e sala si PVV no tabata kier sosten di e otro partidonan pa e proposicion. Kops en berdad a bisa “Kico boso ta haci aki?” or cu partidonan manera SP y CDA a haci preguntanan critico riba e ley di iniciativa sosteni pa parlamentarionan di PVV, Sietse Fritsma y Machiel de Graaf.
E proposito di PVV kiermen cu por deporta hendenan di Aruba, Corsou y Sint Maarten si nan comete un crimen na Hulanda. Di acuerdo cu PVV, e ley ta necesario pasobra Antianonan ta sobre representa den crimen. E conseho di estado criticalmente a husga e prposicion pasobra esaki lo trata e ciudadanonan dentro di reino inigual y ta yama esaki “no proporcional.”
E ley di PVV tambe a haya poco sosten for di e Kamer. Miembro di Parlamento di CDA, Madeleine van Toorenburg, kende a bisa cu el a reconoce e problema di e hobennan criminak Antiaho, ta pensa cu PVV ta uza “e machete stompi.” Miembro di VVD, Andre Bosman ta yama e proposicion aki “incompleto” y ta den violacion di e Statuto di Reino. Solamente SGP a mira oportunidadnan pa sostene e ley di PVV, aunke di acuerdo cu miembro di parlamento Roelof Bisschop “hopi mas cos mester ta cambia.”
