Enrique Afonso ta un meneer cu a sali for di Isla di Madeira dia 15 di januari cu e intención di nabega rond di mundo y alabes bishita comunidad nan madeirense rond di mundo; conoce nan, cuminda nan, tuma contact pa nan sa cu tin mas madeirense afo di e isla.
Ademas di esey el a trece un biña cu temponan aya, 500 aña pasa ongeveer, e barconan tabata pasa na madeira, carga e barconan cu biña pa nan hanja curpa, nan tabata jega te na India y bin bek, pero na caminda nan tabata vende e biña y cu e cen nan tabata cumpra specerij, tela, etc, anto pa después bay bek.
Tin un storia cu un biaha nan a bay bek madeira y un botter di biña a resta, nan no a bende tur, anto ora nan a jega bek, e personan cu sa di biña a purbele y bise cu tabata super bon. Di djey nan a cuminsa traha un biña cu nan ta jame Vinho De Roda, loke kiermen cu nan tabata bay India y bay bek cu e biña, anto esaki tabata hasi e biña madura mas. Un biaha papiando cu un amigo e la conta e storia aki y e la dicidi di hinca 200 botter di binja den zeilboot, pa asina core rond di mundo y jega madeira bek.
E tin pensa di jega madeira bek na Juli di 2021, tempo di zomer, pero e biahe ta asina great, cu e la cuminsa para den lugarnan cu no tabata tin pensa di hasie manera Corsow unda e la hanja famia y na Aruba tambe. Dus e tabata tin pensa di jega na Pacific mas liher di loke e ta hasiendo awor, loke kiermen cu e viahe lo ta birando mas largo.
Di Aruba e tin pensa di bay Santa Marta – Colombia, Cartagena di Indias, Panamá y djey pa bay Pacific.
E ta disfruta asina hopi di a viahe paso e ta hanjando hopi bon persona nan na caminda. Ademas e ta verwacht cu e biña cu e la hinca den barco, lo sali hopi mas mihor cu esun di 500 anja pasa, door cu e viahe ta mas largo.
Su zeilboot tin 9 meter, 31 pia. E ta zeil, y ora no tin biento e tin motor, pero e no ta bay mucho liher pasobra e ta hopi chikito, 50 liter so, anto e tin 100 liter mas apart por si acaso.
E ta trece un mensahe pa tur e madeirense conoce otro. Cu tin portuguesnan rond di mundo cu no conoce Madeira y cu tin famia ayanan cu nan no conoce y viceversa. Cu tin madeirense cu no sa cu nan tin famia na Corsow of Aruba.
