Durante conferencia di prensa di Gobierno a duna lista y motibo riba ken ta esnan cu lo ta esencial pa e comunidad y cu lo por ta habri durante e “Shelter in Place” emiti.
Dialuna atardi, pa ta exacto 3:15PM, polis ta presenta na Crown Boulevard y duna ordo pa cera e establecimento. Un representante mes ora a duna tur cooperacion. Nan a duna un splicacion y disculpa na autoridad pa cu e confusion.
Crown Boulevard normalmente ta opera cu un cantidad di 30 personal pero siguiendo e indicacion for di Conferencia di Prensa, a baha operacion di nan compania na un minimo, tene nan mes na higiena y precaucion relaciona cu e coronavirus y asina ey a opta pa habri.
Considerando cu algun di e ekipo cu nan ta bende lo tabata esencial pa e pueblo, nan a asumi cu no lo tabata tin ningun problema y mirando cu nan lo a ahusta nan orario y lo a cera pa 5:00PM, a habri.
Polis di su banda a splica cu nan no ta cay bou di e grupo esencial y como tal nan no ta permiti di ta habri. Mesora nan a coopera y sigui cu e peticion. Di parti Crown, nan a tuma contacto cu Cuerpo Policial na Sta Cruz pa un aclaracion mirando cu segun declaracion di Prome Minister, productonan esencial manera entre otro figidaire, airco y stoof como tambe un “skeleton crew ” pa bende unicamente lo esencial, nan lo por ta habri. Esaki lo tabata e confucion cu a surgi.
