Loteria di Club Kibrahacha 60+ tabata hopi exitoso

Club Kibrahacha 60+ tin su fundraising y ta hopi gradicido di e response cu nan a haya di e fundraising di nan loteria. Segun Jeffrey Matos, director di Club Kibrahacha 60+, e loteria tabata hopi exitoso.

E aña aki e meta di e aña aki tabata ta pa bende 300 buki. Sinembargo nan a bende un total di 385 buki. Nan ta hopi contento cu e resultado, apesar cu e situacion financiero cu tin. E sosten mas grandi cu a ricibi e aña aki ta di e pueblo di Aruba. Na momento cu a bay na diferente supermercado pa bay bende ticket, eynan a haya un acogida hopi grandi. Sigur sin lubida ta hopi gradicido tambe na comercio, cu e aña aki un biaha mas a contribui den grandi pa loke ta e rifa aki.

Loteria di Club Kibrahacha 60+ tabata hopi exitoso

Loteria di Club Kibrahacha 60+ tabata hopi exitoso. Click link pa mas https://24ora.tv/2JwbzNh

Posted by 24ora on Friday, July 12, 2019

Fundraising

Tin hopi fundacion ta haci fundraising. Bo ta mira tur aña. E ta bira un tiki mas dificil na Aruba pa haci fundraising.  Hopi fundacion, otro organisacionnan ta organisanan propio fundraisingnan y si mira na nivel di aña, nos ta sinti e efecto. Apesar di tur e situacionnan cu tin cerca diferente organisacion, toch Kibrahacha a logra su meta pa bende cantidad di buki pa haya fondo pa sigui traha na bienestar di nos grandinan.

Buki di rifa

Segun Matos, 80% di nan recaudacion di fondo di loteria ta bin di companianan. 20% ta bin di esnan cu ta cumpra los los. E aña aki, debi na e accionnan cu a haci na supermercadonan, hopi mas hende a cumpra los. Por bisa cu tin un balansa di cual 60 pa 70% di e rifa a bende na comercio y e resto na comunidad. Esey ta un bon señal pa e fundacion, unda cu ta mira cu tin sosten den comunidad pa loke ta e meta cu kier logra pa traha na bienestar di nos grandinan.

Tin tres of cuater compania cu a gana di e 9 premionan, fuera di e cinco otronan ta hendenan individual a gana.

Comments

comments