Ichelle Oduber-Simon ta invitabo pa hunto repasa e noticianan mas importante di e dia di awe.
Den fin di siman plachinan di number nobo a yega Aruba. Pronto lo menciona e fechanan pa por recoge Bo number nobo. Corda seguro mester ta paga prome. Idea pa bay sambuya na Bajo pa busca Pau no a sigui, debi cu no a logra haya permiso di autoridadnan Venezolano. E famoso protagonista di Patruya 37 a causa accidente burachi den fin di siman, a detene y a resulta cu permiso no tabata na ordo. A hib’e Warda nos Costa y ey a resulta cu el a pidi pa Asilo y por keda Aruba.
Na DTI ta investigando caso di corupcion cu keuringskaart. Compania ta keur su vehiculonan sin cu nunca nan a pasa keuringslokaal. Un Range Rover a kima por completo den find di siman na Santa Marta. Danki Dios cu e chauffeur femenino no a resulta herida. Raad van Advies a duna conseho negativo riba e pakete di medidanan cu Gobierno kier presenta na Parlamento pa trata den Presupuesto 2020. E organo consultativo ta teme cu economia por crash si implementa tur pareu.
Un candela a caba cu henter un cas na Rooi Koochi, lagando un famia completo riba caya. E candela tabata 4or di marduga pero no tabatin ningun hende na cas. Ta sospecha cu e candela por ta intencional. AHATA a bati alarma awe pa caida den turismo pa dos luna consecutivo mientras cu hotelnan ta raportando cancelacion masal dor di Coronavirus. Net awor Gobierno kier corta den presupuesto di ATA, locual AHATA ta considera un Perfect Storm.
