Imagina bo ta cabes pa trabou y diripiente bo ta envolvi den un accidente semi frontal. Esaki ta locual a pasa awe mainta, den careda di 9:00am, riba caminda di Modanza.
Un chauffeur di un Honda Fit blauw direccion zuid pasando e bahada na e rooi di Modanza a topa cu trafico contrario pero no a spera local cu a pasa.
Di e otro banda tabata biniendo un Chevrolet Spark preto cu lo tabata tumando e birada y a topa diripiente cu e Honda fit , e chauffeur lo a spanta y pone pia riba brake pero e maniobra no a resulta e miho opcion. E auto a slip, hala na su man robes, como cu caminda tabata un poco muha e ora ey, cu consecuencia cu a bay dal semi frontal den e Honda.
Afortunadamente no tabata ningun persona herida. Ambulance a presenta asina mes pa tira un bista riba chauffeur y pasahero di ambos vehiculo. Pa local ta trata e caminda, esaki tabata cera pa basta rato te ora takelwagen a move vehiculonan for di sitio.
