Den fin di siman a tuma luga e prome edicion di La Leyenda del Dorado Aruba, organisa pa Caribbean Trail Legends Foundation, na Sarah Quita Beach, miho conoci como Fisherman’s Huts.
E evento aki ta marca un momento historico pa ciclismo “mountain bike” na Aruba, cu un total di 72 participante, di cual mas cu 90% tabata participante internacional, procedente di paisnan y destinonan manera Alemania, Argentina, Chile, Belgica, Mexico, Merca, Colombia, Venezuela, Hulanda, Boneiro y Corsou, entre otro.
Durante tres dia di competencia intenso, e ciclistanan a haya e oportunidad pa descubri e bunita seronan di Aruba y enfrenta un reto deportivo unico. Den total, nan a completa mas cu 139 kilometer y mas cu 1.700 meter di desnivel positivo durante un periodo di tres dia.
Un logro extraordinario cu ta pone Aruba riba e mapa internacional di mountain biking.
