Diahuebs ultimo, piketofficier na Aruba a ricibi informacion via centrale post cu lo tabata tin un boto di bela den problema y cu lo tabata tin mester di asistencia. E boto di bela, Beyond Infinity na e momento ey tabata den vecindario di Rogers Beach cu tres persona aborto. A despacha Metal Shark di Kustwacht rapidamente pa e sitio pa asina asisti e boto y hib’e Barcadera.
Capitan di e boto di bela a declara cu nan a sali for di Aruba na caminda pa British Virgin Island, ora cu nan a haya problema cu e bela. E capitan e ora a dicidi pa bin bek Aruba. Una bes na Aruba, nan a haya tambe problemanan cu motor, di manera cu nan a naufraga y casi a caba riba rif. E personanan tabata contento di a mira Kustwacht y tur a yega tera sano y salvo.
