Solo a sali cu varios detencion durante Jouvert Morning. Diasabra mainta Polis a detene por lo menos 19 persona durante e parada cu a pasa den cayanann di San Nicolas. Esnan cu a cay cera tabata pa mal comportacion cu autoridad, bebe alcohol te bira burachi den publico y pa pelea.
Polis tabatin cero tolerancia durante e ruta. Dependiendo locual e sospechosonan a comete tabatin posibilidad di paga un boet of keda cera pa algun dia. Varios a drenta na boei y sali bek un rato despues.
Cuerpo di Polis a conta cu 155 personal riba pia. Diferente departamento di Cuerpo Policial a traha hunto entre otro Mobiele Eenheid, Polis Uniforma, Departamento di Recherche, Personal administrativo y Commando Kamer. Tambe personal di CEA.
Pa 6:50 mainta e cabez a yega y pa 7:45 el a yega su final. E aña aki a conta cu 19 detencion. Aña 2018 tabata tin 23 detencion
