Polis a bay na un cas na Tanki Leendert den dia pa busca un sospechoso. Aki ta trata di Josmar v/d Biezen di 33 aña. Tin ordo di detencion pa asunto di actonan sexual cu menor. Jeugd en Zeden Politie tabata su tras. Nan a detene riba ordo di fiscal.
Tin denuncia haci contra dje, basa riba dos articulo a deten’e. Ta trata di e Articulo 2:199 di codigo penal. E articulo aki ta para contra esunnan cu comete actonan sexual na curpa di un menor di 12 aña. Tin un castigo maximo di 15 aña pa e acto aki.
Tambe e otro articulo cu a sospecha Josmar v/d Biezen ta 2:208. E articulo ta para contra esunnan cu comete actonan sexual contra su yiu menor di edad, yiu di criansa of yiu adopta.
Tambe si comete e acto contra un pupilo, un menor cu e ta responsabel y hasta un trahado cu ta menor di edad. Pa esaki tin un castigo maximo di 8 aña y un multa di placa di categoria cinco.
Entrante su detencion lo cuminsa e proceso di interogacion. Tur cos ta draai rond di actonan di inmoralidad cu menor di 12 aña.
