Diamars atardi alrededor di a sosode un incidente den Arendstraat. Aki ta caminda cu chauffeur di un Toyota Tercel a reverse y dal contra un auto cu staciona canto di caminda.
Despues di e impacto, el a bay para e auto bek den cura, sali parti pafo mira e daño y cana bay den cura. E chauffeur a spanta ora cu cuater ora despues, alrededor di 8:00 pm polis a presenta dilanti su cas. Polis a puntr’e chauffeur di e Tercel si e por sa ken por a dal e auto e auto cu ta staciona canto di caminda. El a bisa polis, e no sa di accidente, e no a drenta den auto awe mes, corda p’e ta envolvi den un accidente.
Su version a cambia completamente ora cu e otro partido a saca prueba y mustra polis. Riba camara di siguridad por mira claramente kico a sosode, for di e momento cu el accidenta te cu el a sali, wak e daño y bay bek parti paden di cas.
Despues di confront’e cu e video, polis a invita e chauffeur hoben di e Tercel pa un “gesprek” den su patruya. A papia bon duro cu ne den auto pero a splica primordialmente riba su gañamento.
A dun’e un chens y no a deten’e y a sigui cu e proceso di documenta e accidente.
