Sindicato di SIMAR tabata presente den Enfoke pa asina reacciona riba e palabranan bunita di prome minister durante rueda di prensa. Pero a recorda e mandatario riba e carta di december cu nan a haya riba loke Secretario di Estado anterior a indica. Tambe a recorda pueblo pa uni na nan Marcha di Silencio y esunnan cu mester transporte, tin un bus disponibel.
Presidente di SIMAR, Josephine Albertus, a expresa cu pueblo y veld di enseñansa ta cansa di palabra bunita. Ayera durante e rueda di prensa di prome minister, un biaha mas el a papia masha bunita cu semper ta nan intencion, nan lo sigui entrega, clase trahado tin di haya nan placa bek, nan no tin problema pa sigui entrega pa yuda pais.
Albertus tabata kier a recorda e mandatario cu aña pasa na december e sindicatonan a haya un carta di minister. Den e carta aki Secretario di Estado Knops a bisa minister “herhaalt u ook het verzoek van Aruba aan het Rijks Ministerraad om in te stemen met het gedeeltelijk afbouwen van de korting op de arbeidsvoorwaarde van 12,5% voor alle medewerkers en 25% voor de Staten en ministers.”
Minister no solamente no kier a duna nan fondo bek, pero tambe tabata bezig pa nan mes. Di tende e mandatario bin cu e palabranan bunita di no ta worry pa nan mes, pero cu e ambtenaarnan, e sindicato ta haya cu e ta un lastima di ta bisa palabra bunita pero den practica e no ta asina.
