Jeon no ta para keto, su meta y proyeccion internacional ta locual cu e ta traha duro tur dia riba dje. Un carera artistico di e nivel y caliber aki ta algo cu ta hiba hopi dedicacion y sacrificio, ademas di talento.
Algo cu sigur Jeon ta consciente di dje y ta sigui duna su maximo pa mantene su mes na e expectativa internacional.
Durante temporada di pandemia, pa ta exacto dia 13 di maart 2020, oportunidad a yega pa firma cu Sony Music Publishing pero circunstancia imprevisto mundial no a brinda e chens pa dedica manera mester ta na e proyecto internacional aki.
Awe un biaha mas ta reestablece e contacto cu Sony Music Publishing pa asina pasa riba locual ta trata e renobacion di e contract y proyecto pa cu Sony Music Pub Latin. Na mes momento a presenta e produccion mas nobo cu ta bay lansa pronto, e biaha aki den idioma spaño.
Jeon ta mustra cada bes cu su carera artistico ta di taya internacional y como tal ta traha incansablemente pa logra esaki. Acompaña mayoria di biaha pa un team dinamico, talentoso y di experticio amplio den e ramo pero tambe di amistad cu t’ey semper pa conseha y sostene den momentonan special manera esun di awe.
Por aprecia Edward Silberie, persona encarga di visualisa cada proyecto/cancion/produccion nobo cu Jeon ta presenta y cada biaha den un forma sorprendente. Ta un bon amigo fo’i chikito y te ainda ta forma parti di e team di produccion di Jeon. Adicional na e team a bin acerca su bon amigo Gianni Ferrara, cu no ta un desconoci den mundo di business, pero mas cu esey un bon amigo.
No por keda sin menciona Krish Mathani, cu aunke no ta presenta na e reunion di awe, ta un piesa clave den e team cu ta rondona exito y perseverancia di Jeon. Actualmente tin preparacion grandi tumando luga pa asina lansa e produccion mas nobo riba mercado.
