Directiva di Fundacion Movemiento ta Bida kier a corda tur esnan cu ainda kier partisipa den volleyball cu esaki lo tuma lugar diabierna awor 15 di September pa 7 or di anochi na sporthal na Santa Cruz. Tur hende 60 plus cu kier hunga ta bon bini.
Diasabra awor dia 16 di september e ultimo deporte cual ta atletismo ta tuma lugar na Palm Beach cuminsando pa 7 or di mainta.
E comienso y final lo ta na e edificio di Strand Politie na Palm Beach y nos lo cana ariba e corridor ariba beach te na pelican Pier regresa pa Hotel Divi Phoenix y back pa Strand Politie. E distancia ei ta 4km
Lo tin premio den differente categoria: Caballeros y damas den edadnan di 60-64, 65-69, 70-75, 75-80, y 80 +.
Pa esnan cu kier cana 2 km esei tambe lo ta posibel. Inscripcion ta cuminsa pa 6.30 mainta na edificio di Strand Politie na Palm Beach. Ban move pa tene e curpa sano.
