Den oranan di marduga, tabata tin un accion riba lama. Durante e accion aki, a haci detencion tambe. Segun vocero di kustwacht Caribe Hulandes, Shalick Clement, a splica cu nan a detene 9 persona indocumenta. Ta asina cu for di marduga e accion a cuminsa, caminda cu Centrale Post di polis a haya un melding cu lo tin algun persona cu a yega tera.

Na e momento ey a haci un buskeda cu kustsurveillance y tambe e helicopter di polis. Na e momento ey tabata hopi scur y dimes e personanan ora nan mira polis, nan ta sconde, locual ta logico.

Shalick Clement di KW: Investigacion andando pa e nuebe ilegalnan riba Bubi Island dilanti refineria

Shalick Clement di KW: Investigacion andando pa e nuebe ilegalnan riba Bubi Island dilanti refineria

Posted by 24ora on Thursday, May 2, 2019

Parti mainta, central di RCC a haci un yamada na Kustwacht na Aruba, pa sali cu Metalshark pa bay tira un bista, mirando cu ta cla y ta mas facil pa detecta e personanan, pasobra nan no por sconde asina facil mas tampoco.

Na nan yegada, nan a bin haya 9 hende homber Venezolano indocumenta riba e isla dilanti di Citgo Refinery. E ora ey a detene, controla y bay cu nan oficina.

Kico ta pasa despues

Clement a splica cu e caso aki ta andando. Ta bay haci algun investigacion hunto cu polis, pa bay busca pa sa kico a pasa. Entre otro mester bay busca pa sa con nan a haci yega eynan. Esey ta entre otro un informacion hopi importante cu mester bay haya sa ta kico a pasa, con, etc. Esey ta bay tuma luga awe durante dia y den e dianan cu ta bin, hunto cu polis, kustwacht y otro partnernan den e cadena hudicial pa wak con e cos a tuma luga.

Nada di droga

Na momento cu e team di metalshark a yega, en berdad nan a detene e personanan aki, laga nan subi riba metalshark prome y despues a bay bek riba e isla, tuma un rato riba e isla pa wak rond y te na e momento ey no a haya nada. Pero di mes atrobe, manera cu a splica, durante di investigacion y papiando cu nan, a saca afo cu nan no tabata tin nada. A controla nan ekipahe cu nan a bin cun’e, pa bay mira cu tin algo. Pero te na e momento, ta solamente e nuebe hende hombernan indocumenta Venezolano, cu a yega tera.

 

Boto no a yega

E investigacion tin cu bay saca afo ta con nan a haci yega, ki ora, cuanto hende nan tabata en total, pasobra a detene nuebe hende. Ainda e caso ta andando. Segun e interogacion tuma luga y investigacion tin cu saca afo e resultado final con e cos a tuma luga.

 

Radar

Kustwacht ta keda atento den e ultimo temponan aki. Segun Clement, for di despues di temporada di carnaval, por a nota un subida di eventonan cu ta tumando luga riba lama. Esey ta pone cu kustwacht ta extra alerta y esey a pone tambe cu a tuma e decision cu a intensifica nan patruyanan cu nan ta riba lama constantemente y tin yudansa tambe, colaboracion di Arumil, cu tambe ta yuda pa por haci kustwacht mas fuerte pa nan tin mas tanto hende riba lama, pa nan por tene e costa y lama sigur.

 

Unda pa yama

Semper, si personanan mira algo sospechoso riba lama y algun sospechoso na parti di costa cu ta e parti cu kustwacht ta haci su trabaonan, por yama 913. 913 ta e number caminda cu ta yega na e centro di rescate, cual ta RCC, trahando 24/7. Aki tambe nan por yama. Ta haci un apelacion na comunidad di Aruba, pa ora cu mira algo cu ta sospechoso, tambe yama e number, duna un man. Pasobra semper tin hende cu por mira algo cu kustwacht no ta mira. Nan ta hopi hende si, nan ta cu kustsurveillance, polis, Guarda nos Costa. Pero semper tin un caminda tin algo cu nan no a mira, pero un ciudadano alerta a mira. Si e ciudadano alerta ey yama 913, of algun servicio di e cadena hudicial, pa bisa cu nan a mira algo, e ora ta yama un unidad pa bay wak ta kico. Si ta en berdad algo sospechoso cu por detene e personanan na e localidad.

 

Cooperacion

E intension ta dimes hunto uni forsa. Y esey kustwacht ta boga p’e, pa nan traha hunto. Pasobra hunto ta mantene nos isla safe.

Comments

comments